معظمكم بيعرفني بلقب HerFitBod.

دخلت عالم الفتنس من شي ١٢ سنه، كنت مركزه على جسمي و صحتي في الوقت الي كنت بشتغل فيه ٨ ساعات كامله بشركة اتصالات. مع الوقت حبيت اتعلم اكتر عن الفتنس بدأت اخد شهادات في الرياضه والتغذيه و قررت أساعد غيري من النساء بالخبره العمليه والعلميه الي اكتسبتها على مر السنين.

بعرف انه اكبر تحدي للمرأه هو عامل الوقت خاصه اذا كنت بتشتغلي او عندك اولاد او الاثنين سوا، بعرف كمان انه طبيعة حياتنا السريعه بتصعب عليكي تلاقي طاقه للتمرين. لكن إنت مش بحاجه لساعات طويله تقضيها بالتمرين ولا حتى مضطره تتمرني كل يوم.

السر بالاستمرارية… وانا موجوده عشان اشجعك تبدئي بأبسط شي موجود عندك و اشجعك تستمري.

خليني اساعدك تنتبهي على صحتك تحبي حالك وجسمك لانه المكان الوحيد الي رح تعيشي فيه باقية حياتك

ديري بالك ع جسمك اليوم عشان يدير باله عليكي بس تكبري.